Úrskurður ríkisskattanefndar

Kærandi, er rak fasteignasölu, fór þess á leit, að honum yrði heimilað að flytja hluta tekna af þeirri starfsemi milli ára á þeim forsendum, að hann innti af höndum ýmsa þjónustu við viðskiptavini sína, eftir að þeir hefðu greitt sölulaun. Einkum væri í þeim efnum um að ræða gerð afsala vegna kaupsamninga, er frá hafi verið gengið árið áður.

Ríkisskattanefnd taldi í úrskurði sínum ekki ástæðu til að breyta frá þeirri aðalreglu að færa sölulaun við sölu fasteigna til tekna á því ári, sem greiðsla fer fram.