Úrskurður ríkisskattanefndar

Málavextir voru þeir, að kærandi bjó í óvígðri sambúð með barnsmóður sinni. Átti hún dreng, sem ekki var fullra 18 ára, en naut greiðslna úr lífeyrissjóði vegna drengsins að upphæð kr. 160.977,-. Færði skattstjóri upphæð þessa á framtal kæranda, en hann taldi greiðslur þessar sér óviðkomandi.

Ríkisskattanefnd taldi upphæð þessa ekki skattskylda hjá kæranda og tók kröfu hans til greina.