Úrskurður ríkisskattanefndar

Kærandi krafðist þess að endurgreidd fargjöld kr. 70.560,- væru ekki talin til útsvarsskyldra tekna gjaldárið 1976.

Ríkisskattstjóri krafðist þess, að kærunni yrði vísað frá, þar sem hið umdeilda atriði hefði ekki komið til úrlausnar hjá skattstjóra.

Í úrskurði ríkisskattanefndar segir:

„Kæran barst ríkisskattanefnd í kærufresti. Ber því að úrskurða kæruatriði efnislega. Endurgreiddur kostnaður, viðurkenndur sem slíkur af skattyfirvöldum, verður eigi talinn til útsvarsskyldra tekna. Kæran er tekin til greina.“