Úrskurður ríkisskattanefndar

Skattstjóri færði söluhagnað bifreiðar kæranda til tekna svo sem hún væri fyrnanlegt lausafé, en kærandi var læknir sem starfaði aðallega við stofnun í Reykjavík.

Í úrskurði ríkisskattanefndar segir:

"Eins og starfi kæranda er háttað, þykja eigi efni til að líta á bifreið þá, er í málinu greinir sem tæki til atvinnurekstrar, er falli undir 15. gr. laga nr. 68/1971. Með vísan til þessa ber að taka til greina kröfu kæranda."