Úrskurður ríkisskattanefndar

Kærandi, hlutafélag, mótmælti ákvörðun skattstjóra um að hlutafjáraukning með útgáfu jöfnunarhlutabréfa skyldu skerða skattfrelsi sparifjár á sama hátt og innborgað hlutafé og stofnfé.

Skattstjóri benti í úrskurði sínum á, að hluthafar ættu eftir útgáfuna sömu kröfur á hendur félaginu vegna jöfnunarhlutabréfanna og innborgaðs hlutafjár. Væri því rétt að þau hlytu sömu skattalegu meðferð. Hafnaði hann því kröfum kæranda og staðfesti ríkisskattanefnd þann úrskurð.