Úrskurður ríkisskattanefndar

Kæru kæranda var upphaflega vísað frá með þeim rökum, að hún hafi borist eftir að kærufresti lauk. Síðar kom í ljós að kærandi hafði komið henni í fjármálaráðuneytið áður en fresturinn var útrunninn og var málið þá endurupptekið.

Efnisatriði voru þau, að skattstjóri hafði hækkað tekjur kæranda um kr. 22.000,- vegna bifreiðahlunninda. Af gögnum málsins varð ekki séð að skattstjóri hefði tilkynnt kæranda fyrirfram um þessa breytingu á þann hátt, sem boðið er í 37. gr. Þegar af þeirri ástæðu var umrædd tekjuhækkun felld niður.