Úrskurður ríkisskattanefndar

Kærandi, sem stundaði ekki landbúnað sem atvinnu, seldi sjö vetra hryssu til útflutnings og reiknaði skattstjóri kæranda helming söluverðsins til tekna á þeirri forsendu, að um skattskyldan söluhagnað væri að ræða.

Í úrskurði ríkisskattanefndar segir m.a.:

„Ekki er leitt í ljós, að kærandi hafi keypt hryssu þá, er um ræðir í málinu til að selja hana aftur með ágóða eða salan falli undir atvinnurekstur hjá honum. Þar eð hann virðist hafa átt hana lengur en 3 ár, er hagnaður af sölu hennar skattfrjáls samkvæmt E-lið 7. gr. laga nr. 90/1965.“