Úrskurður ríkisskattanefndar

Málavextir voru þeir, að skattstjóri tók framtal kæranda fyrir 1971 til endurálagningar, og áætlaði honum viðbótartekjur. Kærandi kærði tekjuáætlunina til ríkisskattanefndar og krafðist þess, að hún yrði felld niður.

Í úrskurði ríkisskattanefndar segir:

„Samkvæmt gögnum málsins tilkynnti skattstjóri kæranda kærufrest til ríkisskattanefndar, án þess að hafa gefið kæranda kost á að reifa mál sitt fyrir skattstjóra sbr. 40. gr. skattalaga. Þessi afgreiðsla skattstjóra stríðir gegn ákvæðum 3. mgr. 38. gr. laga nr. 68/1971 um tekjuskatt og eignarskatt. Með vísan til þessa ber að taka kröfu kæranda til greina.“