Úrskurður ríkisskattanefndar
Úrskurður rskn. nr. 551/1990
Gjaldár 1989
Lög nr. 75/1981 — 68. gr. B-liður Reglugerð nr. 79/1988 — II. kafli
Sjómannaafsláttur — Sjómaður — Sjómannsstörf — Sjómennskudagar — Dagar við sjómannsstörf — Ráðningarsamningur
Kærð er fjárhæð sjómannaafsláttar gjaldárið 1989 og þess krafist, að kærandi njóti sjómannaafsláttar alla daga tekjuársins 1988.
Með bréfi, dags. 6. júní 1990, hefur ríkisskattstjóri gert svofelldar kröfur í málinu f.h. gjaldkrefjenda:
„Fallist er á kröfu kæranda um að hann eigi rétt til sjómannaafsláttar allt árið 1988.
Kærandi hefur lagt fram staðfestingu frá launagreiðanda um að hann hafi verið ráðinn sem sjómaður allt árið 1988 og önnur gögn í máli þessu styðja kröfu kæranda s.s. greinargerð kæranda um sjómannaafslátt svo og að hann hafði ekki önnur laun en af sjómannsstarfi.“
Eftir öllum atvikum og með vísan til kröfugerðar ríkisskattstjóra er fallist á kröfu kæranda.